—Onuradun izateko debekurik ez izatea, 2007ko martxoaren 27ko 3/07 Foru Arauak, Gipuzkoako Lurralde Historikoko diru laguntzei buruzkoak, 12. artikuluan ezarritakoaren arabera. —Zerga helbidea Gipuzkoako Lurralde Historikoan edukitzea. — Erlezaintzako ustialekua Gipuzkoako Lurralde Historikoko Nekazaritza Ustialekuen Erroldan sartuta dagoen Abeltzaintzako Ustialekuen Errolda Orokorrean –Erlezaintza azpi-ustialekua– izena emanda edukitzea. —Eusko Jaurlaritzaren 2004ko otsailaren 10eko 33/2004 Dekretuan, erlezaintza antolatzeari buruzkoan, ezartzen diren arauak betetzea, Gipuzkoako Foru Aldundiaren Landa Ingurunearen Garapeneko Departamentuak ezartzen dituen guztiekin batera. —Erlezaintzan aritu izatea urriaren 16tik hurrengo urteko urriaren 15era bitartera doan erlezaintza-ekitaldia hasten den urteko urtarrilaren 1a baino lehen. — Barroasiaren aurkako tratamendua gutxienez urtean behin egitea, eztitarako erleen gaixotasunak kontrolatzeko eta horien aurka egiteko Programa nazionala ezartzen eta arautzen duen 608/2006 Errege Dekretuak, maiatzaren 19koak, ezarritakoaren arabera. —Erantzukizun zibileko asegurua izatea.