Azalpena

Langabezian dauden 50 urtetik gorako pertsonak Euskal Autonomia Erkidegoko lantokietan kontratatzeko laguntzak

Xedea: 50 urte edo gehiagoko langabeak laneratzea sustatzea, EAEko lantokietan kontratatzeko dirulaguntzen programa baten bidez. Baldintza hauek betetzen dituzten pertsonak kontratatzeko da deialdi hau: a) 50 urte edo gehiago izatea. b) Langabea izatea, Lanbide-Euskal Enplegu Zerbitzuan edo dagokion enplegu-zerbitzu publikoan enplegu-eskatzaile gisa izena emanda eta alta emanda egotea, kontratua hasi aurreko egunean. Ondorio horietarako, langabetzat hartuko da Gizarte Segurantzako ezein erregimenetan alta emanda ez dagoen pertsona. c) Kontratatu beharreko lanpostua betetzeko profil profesional egokia izatea. Laguntzak 2025eko urtarrilaren 1etik aurrera sinatutako eta hasitako lan-kontratuei aplikatuko zaizkie, betiere deialdian ezarritako baldintza eta betekizunetara egokitzen badira.

Onuradunak: Deialdi honetan aurreikusitako dirulaguntzen onuradun izan ahalko dira bertan ezarritako baldintzetan lan-kontratuak egiten dituzten enpresak edo erakundeak, edozein dela ere haien forma juridikoa, honako hauek izan ezik: administrazio publikoak eta organismo autonomoak, zuzenbide pribatuko erakunde publikoak eta sektore publikoa osatzen duten gainerako erakundeak.