Azalpena

«Enpresak Hobetzen» dirulaguntza programa

Enpresetan kudeaketa ekonomiko eta finantzarioa hobetzea

Xedea: Enpresei laguntzea enpresaren kudeaketa ekonomiko eta finantzarioa hobetzeko egiten dituzten jarduketetan eta, horrela, haien lehiakortasuna handitzeko.

Dirulaguntzaren xede diren jarduerak:

- Honako gai hauetakoren bat jorratzen dituzten proiektuak eta jarduerak:

• Kudeaketa ekonomikoko sistema bat diseinatu eta ezartzea, kostuak hobeto ezagutu eta kontrolatzeko, marjinen segimendua egiteko eta produktu/zerbitzu motaren araberako errentagarritasuna lortzeko.
• Kostuak egozteko irizpideak eta produktuaren arabera aplikatutako tarifak aztertzea eta berrikustea.
• Finantza-plana egitea.
• Balantzeen eta emaitzen kontuen informazioa aztertzea eta interpretatzea, baita enpresaren kaudimen-, likidezia-, zorpetze-indizeena ere.
• Diruzaintzaren kudeaketa hobetzeko ekintzak definitzea eta abian jartzea.
• Kobrantzak eta ordainketak kudeatzea.
• Banku- eta finantzaketa-politika.
• Finantza arriskuaren kontrola.
• Zorra finantzatzea eta birfinantzatzea.
• Finantza plana egitea.
• Informazio ekonomiko-finantzarioa duten aginte-taulak ezartzea, enpresaren jarduera eta helburuen lorpena hobeto kontrolatu eta jarraitu ahal izateko, eta erabaki eraginkorrak hartzea errazteko.
• Era berean, enpresaren kudeaketa ekonomiko-finantzarioa hobetzen laguntzen duen beste edozein ekintza finantzatu ahal izango da.
• Enpresa bakoitzak ezin izango du proiektu bat baino gehiago aurkeztu.

Honako hauek EZ dira diruz laguntzeko moduko ekintzatzat hartuko:

• Plangintzako eta kudeaketako pakete informatikoak ezartzeko proiektuak (ERP, CRM, etab.).
• Prestakuntza ekintzetan parte hartzea dakarten proiektuak.

Dirulaguntzaren ehunekoa eta gehieneko zenbatekoak:

- Diruz lagundu daitezkeen gastuak:

• Aholkularitza eta laguntza teknikoko gastuak.
• Barne pertsonaleko gastuak. Gastu horiek ez dute gaindituko proiektuan diruz lagundu daitezkeen gastu guztien % 25.
• Ez dira diruz lagunduko BEZa eta 300 €-tik beherako gastuak.

- Dirulaguntzen gehieneko zenbatekoak:

• Aholkularitza gastuei dagozkien diruz lagundu daitezkeen kostuen % 75, gehienez.
• Barne pertsonalaren gastuei dagozkien diruz lagundu daitezkeen kostuen % 50, gehienez.
• Ez dira 20.000 € baino gehiago izango proiektu edo jarduera bakoitzeko.

Onuradunak:

• Gipuzkoan jarduera zentro bat izatea.
• 5 langile edo 5 baino gehiago eta 50 langile baino gutxiago izatea, eta Enpresa Txikia edo Ertaina izatea, (EB) Erregelamenduek adierazitakoaren arabera.
• Salbuespen gisa, eta ebazpen proposamenak aurrekontua agortzen ez badu, tamaina handiagoko enpresak hartuko dira erakunde onuraduntzat.