Azalpena

Salgaiak garraiatzeko ibilgailuen gurpilak aldatzeko laguntza programako dirulaguntzak

Xedea: Dirulaguntzaren objektu diren jarduerak Laguntza honen objektua baimendutako gehieneko masa 3,5 tonatik gorakoa duten salgaiak garraiatzeko ibilgailuen gurpilak aldatzea da. Gurpilek gutxieneko betekizun hauek bete beharko dituzte:

1. Efizientzia mota erregai-kontsumoari dagokionez: C
2. Itsaspen mota gainazal bustian. C
3. Kanpoko errodadurako zarataren mota eta neurtutako balioa: B

Tailer inskribatuak: Dirulaguntza eskatzeko, gurpilak aldatzea Gipuzkoako Foru Aldundiaren erregistroan inskribatutako tailer batean egin beharko da.

Laguntzen zenbatekoa: Gastuak % 70eraino lagunduko dira diruz. Diru-laguntzak ez dira 4.000 €-tik gorakoak izango ibilgailu bakoitzeko, eta 20.000 €-tik gorakoak eskatzaile bakoitzeko.

Onuradunak: Hurrengo baldintzak betetzen dituzten langile autonomoak eta nortasun juridiko propioa duten enpresak izan daitezke onuradunak.

Baldintzak:

• Pertsona juridikoen kasuan, egoitza soziala eta fiskala Gipuzkoan izatea. Pertsona fisikoen kasuan, helbide fiskala Gipuzkoan izatea.
• Jarduera Ekonomikoen gaineko Zergaren matrikulan alta emanda egotea, 1722000 epigrafean (Salgaien errepideko garraioa).
• 3,5 tonatik gorako baimendutako gehieneko masa duten ibilgailuetan edo ibilgailu-taldeetan salgaien garraio publikoa egiteko gaitzen duen indarreko baimen baten titularra izatea (MDPE gakoarekin identifikatua), Lurreko Garraioen Antolamenduari buruzko uztailaren 30eko 16/1987 Legearen arabera.