Azalpena
Eguzki-energia fotovoltaikoko instalazioak sustatzeko dirulaguntzak emateko, energia berriztagarrien erkidegoen edo herritarren energia-kooperatiben erregimenean
Xedea: Oinarri hauen xedea da Gipuzkoako Lurralde Historikoan eguzki-energia fotovoltaikoko instalazioak abian jartzeko dirulaguntzak norgehiagoka bidez ematea arautzea, energia-komunitateen edo herritarren energia-kooperatiben araubidean. Deialdiaren aurrekontua banatzeko, honako hauek joko dira diruz lagun daitezkeen gastutzat:
-
Instalazioei lotutako ekipo berrietan eta muntaketan inbertitzea.
-
Diruz lagunduko den instalazioarekin hertsiki lotuta dagoen obra zibila; nolanahi ere, Ingurumen Zuzendaritzaren irizpidea nagusituko da obra zibilak proiektuarekin duen loturari buruzko eztabaida dagoenean.
-
Instalazioen administrazio-izapideen kostuak, sarbide- eta konexio-azterlanen kostuak barne, dagozkien erregistroetan sortu, legeztatu eta inskribatzeko hartune-eskubideak, udal-tasak eta -zergak, eta hirigintza-egokitzapenen kostuak.
-
Hala badagokio, instalazioen bideragarritasun-azterlanak eta aurreproiektuak eta proiektuak idazteko kostuak, segurtasun- eta osasun-azterlanak eta obra-zuzendaritza, kanpoko kontratazioak badira.
-
Hala badagokio, energia berriztagarrien erkidegoaren publizitate-, sustapen- eta eraketa-kostuak, aurretiazko txosten juridikoak eta erkidegoaren bideragarritasun-azterlanak.
Onuradunak: Edozein erakundek edo pertsona fisiko edo juridikok jaso ahal izango ditu laguntzak, izaera publiko edo pribatukoak, nortasun juridikorik gabeko elkarteak eta ondasun-erkidegoak barne, baldin eta irabazi-asmorik gabeko energia-komunitate edo kooperatiba berriztagarria osatzen badute edo osatzeko asmoa badute, eta egoitza soziala eta fiskala Gipuzkoan badute.
Eskaera epea
2021-05-04-etik 2021-05-31-era
Sailak
-
Sektorea: SEKTORE GUZTIENTZAT
Xedea: Egindako Inbertsioa
Eremua: Efizientzia Energetikoa eta Ingurumena