Azalpena

Arlo sozioekonomikoan euskararen erabilera sustatzeko dirulaguntzak

Xedea:Oinarri hauen xedea da, norgehiagoka prozeduraren bidez, 2025ean elkarteetan, merkataritza/ostalaritza establezimenduetan eta enpresetan euskararen erabilera sustatzeko dirulaguntzen oinarri arautzaileak ezartzea. Zehazki, dirulaguntza mota hauek arautzen dira:

• Elkarteetan, merkataritza/ostalaritza establezimenduetan eta enpresetan kanpoko errotulazioa euskaraz jartzeko dirulaguntzak.
• Elkarteetan, merkataritza/ostalaritza establezimenduetan eta enpresetan euskararen erabilera normalizatzeko ekintzak sustatzeko eta euskara planak diseinatzeko eta haien jarraipena egiteko dirulaguntzak.
• Elkarteetan, merkataritza/ostalaritza establezimenduetan eta enpresetan “Ticketbai” tresna lehen aldiz euskaraz jartzeko dirulaguntzak.
• Elkarteen, merkataritza/ostalaritza establezimenduen eta enpresen webguneetan “Puntueus” domeinua sustatzeko dirulaguntzak.
• Elkarteen, merkataritza/ostalaritza establezimenduen eta enpresen webgunea euskaraz jartzeko dirulaguntzak.  

Onuradunak: Oro har, dirulaguntza hauetarako aukera izan dezakete Oiartzungo Udalaren dirulaguntzak emateko Ordenantza Orokorrak ezartzen duen moduan: Oiartzunen kokatutako elkarte, merkataritza/ostalaritza-establezimendu eta enpresek. Beharrezkoa izango da elkartea, merkataritza/ostalaritza-establezimendua edo enpresa Oiartzunen egotea edo iraunkorki Oiartzunen jardutea. Betekizun horietaz gain, dirulaguntza mota bakoitzarentzat zehazten diren baldintzak egiaztatu beharko dituzte.